Ano ang Karaniwang Sanhi ng Sakit ng Ngipin?

2:00 AM

Ano ang Karaniwang Sanhi ng Sakit ng Ngipin?

Ang mga karaniwang dahilan ng pagsakit ng ngipin ay:

Pagkabulok at pagkakaroon ng butas sa ngipin
Aksidenteng nagdulot ng pagkabali, pagkapingas, pagkalog at pagkaalis sa tamang pwesto ng ngipin
Impeksyon at pamamaga sa mismong loob ng ngipin o gilagid
Natanggal na lumang pasta
Pagkabubog sa sobrang tigas ng nanguyang pagkain

Ano ang dapat gawin?

1. Komunsulta kaagad sa Dentista lalo na kung tumatagal na ang pananakit at kung mayroong pamamaga, lagnat at hirap sa paglunok (posibleng impeksyon).

2. Kung hindi kaagad makapunta sa dentista,

a. Linising mabuti ang ngipin at ang gilagid (gums) paikot sa ngipin kung kakayanin ito. Dahan-dahan at unti unting sipilyuhin at gumamit ng dental floss sa pagitan dahil maaring ang dahilan ng pagsakit ay duming puno ng bacteria (plaque) o mga paningit (tinga) na nagdulot ng pamamaga ng gilagid.

Photo by Phuong Tran

b. Pwede munang magmumog ng maligamgam na tubig na may kaunting tinunaw na asin (isang tasang tubig lagyan ng kalahating kutsaritang asin) para malinisan at mabawasan ng kaunti ang pamamaga. Gawin ito ng isang minuto, tatlo hanggat apat na beses sa isang araw.

Photo by Manki Kim on Unsplash

c. Uminom muna ng gamot na maaring mabili na hindi nangangailangan ng reseta ("over-the-counter" pain relievers katulad ng Paracetamol) para sa pananakit "pansamantala" lamang habang hindi pa makabisita sa dentista.

Photo by Amanda Jones on Unsplash

*Huwag iinom ng antibiotic basta-basta kung hindi ito nai-reseta ng dentista.

d. Iwasan ang pagkagat at pag-nguya sa ngipin na sumasakit at sa mga katabi nito.