Ano ba ang isang Dental Assistant?

Ang mga dental assistants ay mahalagang miyembro o parte ng isang dental clinic. Malaking tulong ang mga ito upang makapagbigay ang isang dentista ng maayos at may kalidad na serbisyo sa kanilang mga pasyente.

Ano ba ang mga Responsibilidad ng isang Dental Assistant?

Ang mga tungkulin ng Dental Assistant, bilang isang miyembro ng healthcare workforce, ay nangangailangan hindi lamang ng sapat na pagsasanay ngunit pati na rin ng pagkakaroon ng malasakit sa mga pasyente. Sa ibang bansa, ang dental assistant ay itinuturing pa nga na katulad ng isang nurse sa isang clinic.

Ano-ano nga ba ang mga trabaho at responsibilidad ng pagiging isang dental assistant. Bagama't magkakaiba ang mga regulasyon ng bawat estado o bansa, ayon sa isang artikulo sa website ng American Dental Association (ADA) ang mga sumusunod ay maaring kasama sa mga tungkulin ng isang Dental Assistant:

pagtulong sa dentista sa iba't ibang mga pamamaraan sa paggamot pang-dental
(Kung may sapat na pagsasanay) pagkuha at pagbuo ng mga radiograph ng ngipin (x-ray)
Tumutulong sa pagtatanong tungkol sa medical history ng pasyente at pagkuha ng presyon ng dugo at pulso
nagsisilbi bilang isa sa responsable sa pagpapanatiling malinis ang clinic, pagpapatupad ng infection control protocol at paghahanda at pag-sterilize ng mga instrumento at kagamitan
pag-alalay at pagtulong sa mga pasyente na maging komportable bago, habang at pagkatapos ng dental treatment
pagbibigay sa mga pasyente ng mga karagdagang tagubilin para sa pangangalaga sa bibig kasunod ng isang operasyon o pagkatapos ng iba pang mga pamamaraan sa paggamot sa ngipin
pagtulong sa pagtuturo sa mga pasyente ng naaangkop na pamamaraan sa kalusugan at kalinisan ng bibig katulad ng pagsisipilyo, flossing at tamang pagkain
(Kung may sapat na pagsasanay) pagkuha ng mga impression ng ngipin ng mga pasyente para sa dental casts o mga modelo ng ngipin
pagsasagawa ng mga gawaing may kinalaman sa pamamahala ng dental clinic katulad ng pagaalaga ng patient records, mga gamit at supplies
pakikipag-usap sa mga pasyente tungkol sa pag-iiskedyul ng mga appointment, pagsagot sa telepono, pagsingil at pag-order ng mga supply
pagtulong sa dentista upang magbigay ng direktang pag-aalaga sa pasyente sa ibang mga specialty sa ngipin, kabilang ang orthodontics, pediatric dentistry, periodontics at oral surgery

Ayon naman sa isang Dental association sa Canada (BCDA British Columbia), dalawang klase mayroon ang dental assistant. Merong tinatawag na Certified Dental Assistant (CDA) na sinanay sa isang kursong may diploma sa isang kolehiyo. Pero meron din namang mga dental assistant na hindi dumaan sa isang pormal na pagsasanay ngunit nagkaron ng komprehensibong "on-the-job training"..

Sa Pilipinas, bihira ang mga nagbibigay ng pormal na edukasyon at pagsasanay para maging isang dental assistant. Karamihan na nag-aaply sa trabahong ito ay mga dentista na hindi pa nakakapag board exam o di kaya ay mga nurses at dental students. Marami ding DA ang nagumpisa na walang kahit anong karanasan sa trabahong ito pero nag-apply at natanggap bilang mga trainee at ngayon ay mga eksperyensadong dental assistants na rin.

Kung nais mong sumubok mag apply, pwede kang sumali sa grupo na ito kung saan ay merong mga job and training opportunities bilang isang dental assistant:

DENTAL AUX

https://www.facebook.com/groups/1710695032566857/

Source:

https://www.ada.org/en/education-careers/careers-in-dentistry/dental-team-careers/dental-assistant

https://www.bcdental.org/careers-in-dentistry/dental-assistants/#:~:text=Certified%20Dental%20Assistants%20(CDA)%20are,the%20direction%20of%20the%20dentist.